منتـــديـــات الامـــــــــل والحيــــــــــــاة

منتـــديـــات الامـــــــــل والحيــــــــــــاة


 
الرئيسيةالبوابةمكتبة الصورالتسجيلدخول

شاطر | 
 

 اكرم ضيفك...........

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سما2000
المراقب العام
avatar

عدد الرسائل : 5444
العمر : 40
تاريخ التسجيل : 22/05/2008

مُساهمةموضوع: اكرم ضيفك...........   03/09/09, 01:48 am

إكرم ضيفك في رمضان





من حق الضيف إكرامه
وخصوصا وقت صيامه
يبقى المعزوم قدامه
حاجة تفرّح بصحيح


النشا ويّا البروتين
والسلطة كتير فيتامين
والمشروب للتسخين
والحلو يكون تفاريح


إن كان فيه رز كفاية
وبلاش مكرونة وصاية
ده بيفطر موش في رواية
ولاّ في حصة تعريف


بالمشويات والمقلي
غير المسلوق والمغلي
وطعام من بحري وقبلي
واصناف الشتا في الصيف


في لساني ولا تنساني
خلّي الإكرام رمضاني
أكل لواحد ربّاني
ها يصلي ويبقى خفيف


محتاج الصوم لإرادة
إيّاك تنسى إنه عبادة
والتقوى تكون في زيادة
نحتاج ثورة تصحيح


يبقى البروتين نوع واحد
وطعام على قد الواحد
والكل يقوم ويساعد
ست البيت في التنضيف


ندّيها الفرصة تصلي
ولصرح إيمانها تعلّي
تقرا في مصحفها تملّي
ونقلل في المصاريف


موش زوجتك تقضي في يومها
في المطبخ تهدر صومها
بتكتّر ليه في همومها
فكّر وبلاش تخاريف


وفّر قرشك لفقير
مسكين وعياله كتير
هايشتّ من التفكير
يكفيه لو حتى رغيف


الصوم دا عبادة عظيمة
موش أكل وقلة قيمة
ولا حلويات وبسيمة
ولا نوم يابو دم خفيف


أنا بادعي الناس الصايمة
تلغي الإسراف م القايمة
تختار البركة الدايمة
وتخفّف م التكاليف

الرجوع الى أعلى الصفحة اذهب الى الأسفل
 
اكرم ضيفك...........
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــديـــات الامـــــــــل والحيــــــــــــاة :: الشعر والخواطر :: شعر وخواطر-
انتقل الى: